على فراق الحبيبه لا تسئلوني

اذهب الى الأسفل

على فراق الحبيبه لا تسئلوني

مُساهمة من طرف طارق للكل في الجمعة فبراير 18, 2011 3:32 am


گالوا هم تحبها وتسهر الليل

بذكرها وللصبح متنام ليلك

وگـالوا هم حزين انته وبالفراگ

بس يجرن دموعك منهدم حيلك

وگـالولي نشوفك اخرس بلا صوت

وتجاوبنه بحسرتك حسره رابيلك

وسألوني شجاني بيه شنهو الصار

وگـالوا ليش حته الصمت يبچيلك

وليش بعز شبابك فاگد الخطوات

تعثر من تطيـــح الآه يشيــــلك


ياناس انتوا بيه . بيه ماتدرون

ولا ضنتي بحالي يفتهم انسان

مثل ناعور ادور وشايل الافراح

وللماي انطي فرحي وآخذ الاحزان

ومثل موگـد جمر مايغفه بيه النار

وافز من لوعتي تحاوطني نيران

ومثل لحظة فرح من يمر عالمحزون

وبعد ما مكتمل ينحكم بالنسيان

ومثل مدمن جگـاره يشرب الموت

ويذب اسنين عمره بزفرة الدخان

ومثل ام الشهيد التانت ابنه يعود

وشافت فجئه جثه شايله الكفان

شتسأل هذا ابني؟ وش يردون

ابنچ عمه هذا من الجيران

محد يگـدر يرجع الورده من اطيح

ولا من تنگـطع ترجع للأغصان

والاخرس بيش يوصف علة البي

وهمومه وجرح گـلبه لكومه عميان

لذلك آني ساكت ما اجيب الناس

وشجاوبهم اذا مشلول بيه لسان

الهجر يا ناس جرحي وبيه منقوش

جرح ينزف حزن للغير ماينبان

بس آني الاحس بجروحي متحسون

وبس آني بدموعي وحدي غركَـان

ضاع الحب وهاجر ما اظن يعود

وضاع ايام عمري وحدي خسران

وعلى فراگـ الحبيبه لا تسألون

لأن باين جوابي الحيره والحرمان


منقووووول

قصيده للشاعر ابوحنين العراقي
avatar
طارق للكل
عضو ذهبي
عضو ذهبي

عدد المساهمات : 199
تاريخ التسجيل : 12/02/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى